SATPUDA KE GHANE JANGAL LYRICS : This full-bodied song is sung by Piyush Mishra and written by Piyush Mishra. The director of this exciting video is Piyush Mishra and is produced by Piyush Mishra.

Song Credits:
Singer: Piyush Mishra
Song: SATPUDA KE GHANE JANGAL
Music Label: Times Music

SATPUDA KE GHANE JANGAL LYRICS

Satpuda ke ghane jungle neend mein doobe huye se
Unghate anmane jungle jhaad unche aur niche
Chup khhade hai aankh miche
Ghaas chup hai kaash chup hai
Mook shaal plash chup hai

Ban sake to dhanso inme dhans na paati hawa jinme
Satpuda ke ghane jungle unghate anmane jungle
Sade patte, gale patte, hare patte, jale patte
Vanya path ko dhak rahe se pank dal mein pale patte

Chalo in par chal sako to dalo inko dal sako to
Yeh ghinone ghane jungle neend mein doobe huye se
Unghate anmane jungle

Atpati uljhi latayein daaliyon ko kheench khayein
Pair ko pakde achanak pran ko kass le kanpayein
Saanp si kaali latayien bala ki paali latayein
Saanp si kaali latayien bala ki paali latayein
Lataon ke ghane jungle neend mein doobe huye se
Unghate anmane jungle

Makdiyon ke jaal munh par aur sar ke baal munh par
Machharon ke dansh wale daag kaale laal munh par
Vaat jhanjha vahan karte chalo itna sehan karte
Kasth se yeh sane jungle neend mein doobe huye se
Unghate anmane jungle

Ajgaron se bhare jungle agam gati se pare jungle
Saat saat pahaad wale bade chhote jhaad wale
Sher wale bhaagh wale garaj aur dahaad wale

Kamp se kankane jungle neend mein doobe huye se
Unghate anmane jungle

In vano ke khoob bheetar chaar murge chaar teetar
Paal kar nischint bethhe vijanvan ke bich bethhe
Jhopdi par phoos daale gond tagde aur kaale
Jabki holi paas aati sarsarati ghaas gaati
Aur moohye se lapakati matt karti baas aati

Goonj uthhte dhol inke geet inke bol inke
Satpuda ke ghane jungle neend mein doobe huye se
Unghate anmane jungle

Jaagte angdaiyon mein khoh khaddon khayiyon mein
Ghaas paagal sheel or plash paagal
Lata paagal, vaat paagal, dhaal paagal, paat paagal
Matt murge aur teetar in vano ke khub bheetar

Kshitij tak faila hua sa mratyu tak maila hua sa
Kshubdh kaali lehar wala mathit, uthit zehar wala
Meru wala shesh wala shambhu aur suresh wala
Ek saagar jaante ho usse kaisa maante ho

Theek waise ghane jungle neend mein doobe huye se
Unghate anmane jungle

Dhanso inme dar nahin hai maut ka yeh ghar nahin hai
Utar kar behte anekon kal katha kehte anekon
Nadi nirjhar aur naale in vano ne gaud paale
Laakh panchi sau heeran dal chand ke kitne kiran dal

Jhoomte van phool faliyan khil rahi agyaat kaliyan
Harit durva raqt kislay poot paavan purna rasmay
Satpuda ke ghane jungle lataon ke bane jungle

_________________________________________________________________

Another Favorite Track –

Movie: Shubh Mangal Saavdhan
Song: KANKAD
Singer: Raja Hasan, Shashaa Tirupati, Rajnigandha Shekhawat, Master Armaan Hasan
Music Label: Eros
Release Date: 1 September 2017